திருச்சி

திருச்சி புனித லூர்து அன்னை ஆலயம் : வரலாற்று ஆர்வலர் குழு சார்பில் ஓர் பார்வை ஓர் பயணம்

admin

Dec 28, 2025 - 08:40

திருச்சி புனித லூர்து அன்னை ஆலயம் : வரலாற்று ஆர்வலர் குழு சார்பில் ஓர் பார்வை ஓர் பயணம்

திருச்சி புனித லூர்து அன்னை ஆலயம் : வரலாற்று ஆர்வலர் குழு சார்பில் ஓர் பார்வை ஓர் பயணம்

திருச்சி புனித லூர்து அன்னை ஆலயம் குறித்து அறிந்து கொள்ள, திருச்சி ஓர் பார்வை ஓர் பயணம் நிகழ்வினை திருச்சி வரலாற்று ஆர்வலர் குழு நிறுவனத் தலைவர் விஜயகுமார், சங்க கால நாணயங்கள் சேகரிப்பாளர் முகமது சுபேர், பாலிமர் பணத்தாள்கள் சேகரிப்பாளர் இளம்வழுதி, வரலாற்று ஆசிரியர் அரிஸ்டோ வசந்தகுமார் உள்ளிட்டோர் மேற்கொண்டனர். திருச்சி புனித லூர்து அன்னை ஆலயம் குறித்து திருச்சி வரலாற்று அலுவலர் குழு நிறுவனத் தலைவர் விஜயகுமார் பேசுகையில், தமிழ்நாட்டின் மையப்பகுதியான திருச்சிராப்பள்ளி மாநகரின் மத்தியில், முதன்மை நுழைவாயில் என்ற மெயின்கார்டு கேட் பகுதி அருகே புனித ஜோசப் கல்லூரி வளாகத்தில் உள்ளது. பிரான்ஸ் நாட்டைச் சேர்ந்த பெர்னதெத் சூபிரூஸ் ( Bernadette Soubirous ) என்ற சிறுமி தனது சகோதரி மற்றும் தோழியுடன் அருகில் உள்ள காட்டிற்கு விறகு பொறுக்கச் சென்றார்கள். அப்போது மசபியேல் என்ற கெபி குகை அருகே சென்றபோது அன்னை மேரி காட்சி தந்தார். இந்த காட்சியானது பெர்னதெத்திற்கு தெரிந்தது. அதன் பிறகு தொடர்ந்து சில நாட்கள் அன்னை மேரி அந்த சிறுமியை அந்த இடத்திற்கு வரச் சொன்னார். அங்கு தனக்கு ஒரு ஆலயம் கட்ட வேண்டும் என்று அன்னை மேரி சொல்கிறார். ஒருதடவை அன்னை மேரியின் கட்டளையை ஏற்று அந்த இடத்தில் பெர்னதெத் மண்ணைத் தோண்டுகையில்‌ ஓர் நீருற்று உண்டானது. பின்னர் அது ஒரு ஓடையாக மாறிவிட்டது. இந்த அற்புதத்தைக் கேட்ட திருச்சபையினர் உண்மையைக் கண்டறிய விசாரணை செய்தனர். முடிவில் அங்கு பெர்னதெத் என்ற சிறுமிக்கு அன்னை மேரி காட்சி அளித்து அற்புதம் நிகழ்த்தியது உண்மை என்று அறிவித்தனர். அதன் பிறகு மசபியேல் என்ற குகை அருகே ஒரு தேவாலயம் கட்டப்பட்டது. அந்த ஓடைநீர் புனித நீராக கருதப்பட்டது. ஆலயம் அமைந்த இடம் லூர்து நகர் என்று அழைக்கப்பட்டது. அன்னை மேரி சிறுமிக்கு முதன் முதல் காட்சி அளித்த நாள் 11 பிப்ரவரி 1858 ஆகும். ஆண்டுதோறும் இந்த நாளை கத்தோலிக்க கிறிஸ்தவர்கள் திருவிழாவாக கொண்டாடுகிறார்கள். திருச்சி கோட்டைப் பகுதியில் கத்தோலிக்க கிறிஸ்தவ தேவாலயம் கட்டத் தொடங்கியபோது இயேசு சபையில் பிரெஞ்ச்சு நாட்டைச் சேர்ந்த இறைப் பணியாளர்களே அதிகம் இருந்தனர். அவர்கள் தங்கள் நாட்டில் (பிரான்ஸ்) காட்சி தந்த லூர்து அன்னையின் பெயரையே இந்த தேவாலயத்திற்கும் சூட்டினார்கள். “ CHURCH OF OUR LADY OF LOURDES “ திருச்சியில் இருக்கும் புனித ஜோசப் கல்லூரியானது ஆரம்பத்தில் நாகப்பட்டணத்தில் இருந்தது. பின்னர் அங்கிருந்து 1883 ஆம் ஆண்டு திருச்சிக்கு மாற்றப் பட்டது. ஆரம்பத்தில் கல்லூரியானது கிளைவ்ஸ் கட்டடத்தில் இயங்கியது. அப்போது திருச்சியில் கோட்டைப் பகுதியில் இருந்த பெல்லார்மின் ஹால்தான் கத்தோலிக்க கிறிஸ்தவர்களின் வழிபாட்டு இடமாக இருந்தது.. அருள் தந்தை ஜோசப் பெய் 1884 ஆம் ஆண்டு முதல் 1893 வரை கல்லூரி முதல்வராக இருந்தவர் இந்த ஆலயம் எழுப்புவதில் மிகுந்த ஆர்வம் கொண்டு தேவாலயம் பணி தொடங்கப்பட்டது. திருநெல்வேலி தனம் சவரிமுத்து மேஸ்திரியார் பணியை ஒப்படைத்தார். அப்போது திருச்சி ஆயராக இருந்த ஜான் மேரி பார்த் 1890 ஆம் ஆண்டு ஜூன் 26 ஆம் தேதி , தேவாலயத்தின் அஸ்திவாரத்திற்கானக் கல்லை எடுத்து வைத்து தேவாலயம் கட்டும் பணியை தொடங்கி வைத்தார். 1893 முதல் 1903 வரை ஜோசப் கல்லூரியின் முதல்வராக இருந்த அருள் லியோ பார்பியர் தேவாலயம் கட்டும் பணியில் ஈடுபட்டார். ஆலயத்தை கட்டும் பணியை மேற்கொண்ட தனம் சவரிமுத்து மேஸ்திரியாருக்கும் மற்றவர்களுக்கும் கோதிக் கட்டடக் கலைப் பயிற்சிகள் அளிக்கப்பட்டன. இதன் மேற்பார்வையை அருள்தந்தை பெர்னார்டுசெல் பார்த்துக் கொண்டார். தேவாலயம் கட்டுவதற்கு தேவையான கற்கள் கல்லூரியின் உள்ளே இருந்த கல் குவாரியில் இருந்தே வெட்டி எடுக்கப்பட்டன. சுடு சிற்பங்கள் இங்கிருந்த களி மண்ணாலேயே செய்யப்பட்டன. கட்டட அமைப்பில் பிரான்ஸ்சில் உள்ள லூர்து நகர் தேவாலயம் போன்றே இந்த திருச்சி புனித லூர்தன்னை தேவாலயமும் கட்டப்பட்டது 1890 இல் தொடங்கப்பட்ட தேவாலய பணியானது 1898- ஆம் ஆண்டு வரை நடைபெற்றது. பிரதான கோபுரவேலை மட்டும் நான்கு ஆண்டுகள் தடைபட்டு, பின்னர் 1903 – ஜனவரி தொடங்கி 1910- டிசம்பரில் முடிந்தது. தேவாலயத்தின் உள்ளே நுழையும் போது பிரரம்மாண்டமான வாயில் விசாலமான அமைப்பு. அண்ணாந்து பார்க்க வைக்கும் மேற்கூரையிலும் பக்கவாட்டிலும் வண்ண ஓவியங்கள். கண்ணாடி ஓவியங்கள் பிரம்மிக்க வைக்கின்றன ஆலயத்தின் நூற்றாண்டு விழா (1896 –1998) நடந்தது. வழிபாட்டு நேரமானது வார நாட்களில் காலை 5.30 மணி முதல் 6.30 மணி வரையிலும் மாலை 6.30 மணியளவிலும் ஞாயிறு காலை: 5.15 மணியிலிருந்து 6.15 மற்றும் 7.30 மணி வரையிலும் மாலை 6.30 மணியளவிலும் நடைப்பெறும் என்றார்.

What's Your Reaction?

Like 0

Dislike 0

Love 0

Funny 0

Angry 0

Sad 0

Wow 0

admin

Related Posts

தீபத் திருநாளை முன்னிட்டு “தீ விபத்தில்லா தீபாவளி கொண்டாட வேண்டி விழிப்புணர்வு துண்டறிக்கை மற்றும் வாகனத்தில் விழிப்புணர்வு பிரச்சாரம்

தீபத் திருநாளை முன்னிட்டு “தீ விபத்தில்லா தீபாவளி கொண்ட...

admin Oct 29, 2026

மரத்திலான வீட்டு அலங்காரப் பொருட்கள் விற்பனை கடை பிரைட் பாக்ஸ் : அமைச்சர் ரமேஷ் திறந்து வைத்தார்

மரத்திலான வீட்டு அலங்காரப் பொருட்கள் விற்பனை கடை பிரைட்...

admin Nov 1, 2026

கே.என்.நேரு மனு தள்ளுபடி

கே.என்.நேரு மனு தள்ளுபடி

admin Oct 26, 2026

திருச்சி விமான நிலையத்தில் அமைச்சர் புஸ்ஸி ஆனத்துக்கு ஆர்.கே.ராஜா சிறப்பான வரவேற்பு

திருச்சி விமான நிலையத்தில் அமைச்சர் புஸ்ஸி ஆனத்துக்கு ...

admin Nov 2, 2026

அன்பில் மகேஷ் முன் ஜாமீன் மனு தள்ளுபடி

அன்பில் மகேஷ் முன் ஜாமீன் மனு தள்ளுபடி

admin Oct 26, 2026

திருச்சி இந்திரா கணேசன் கல்வி நிறுவனத்தில் சூரிய மின்சக்தி நிறுவுதல் மற்றும் தொழில்முனைவோர் மேம்பாட்டுப் பயிற்சி

திருச்சி இந்திரா கணேசன் கல்வி நிறுவனத்தில் சூரிய மின்சக...

admin Oct 31, 2026