திருச்சி செயின்ட் ஜோசப் கல்லூரியில் வேலைவாய்ப்புத் திறன்களை மேம்படுத்தும் ஐந்து நாள் உண்டு உறைவிடப் பயிற்சி முகாமின் நிறைவு விழா

Nov 16, 2026 - 16:10
Nov 16, 2026 - 16:12
திருச்சி செயின்ட் ஜோசப் கல்லூரியில் வேலைவாய்ப்புத் திறன்களை மேம்படுத்தும் ஐந்து நாள் உண்டு உறைவிடப் பயிற்சி முகாமின் நிறைவு விழா

திருச்சி செயின்ட் ஜோசப் கல்லூரியில் வேலைவாய்ப்புத் திறன்களை மேம்படுத்தும் ஐந்து நாள் உண்டு உறைவிடப் பயிற்சி முகாமின் நிறைவு விழா

திருச்சி தூய வளனார் தன்னாட்சிக் கல்லூரியின் பயிற்சி மற்றும் வேலைவாய்ப்பு மையத்தின் சார்பில், மாணவர்களின் வேலைவாய்ப்புத் திறன்களையும் ஆளுமைத் திறன்களையும் மேம்படுத்தும் நோக்கில் நவம்பர் 11 முதல் 15 வரை ஐந்து நாட்கள் நடைபெற்ற உண்டு உறைவிடப் பயிற்சி முகாம் நிறைவடைந்தது.

கல்லூரியின் நூலக அரங்கில் நடைபெற்ற நிறைவு விழாவிற்குக் கல்லூரி முதல்வர் அருள்முனைவர் கு.ஆரோக்கியம், சே.ச. தலைமை தாங்கினார். அவர் தம் தலைமையுரையில், வேலைவாய்ப்பைப் பெறுவதற்கு ஒருமுறை பயிற்சி மேற்கொள்வது மட்டும் போதாது என்றும், மாணவர்கள் தொடர்ந்து பயிற்சி செய்து தங்களுடைய திறன்களை மேம்படுத்திக்கொள்ள வேண்டும் என்றும் வலியுறுத்தினார்.

முகாமில் கற்றுக்கொண்டவற்றைத் தங்களுடைய அன்றாட முயற்சிகளில் தொடர்ந்து செயல்படுத்துவதுடன், தங்களுடன் பயிலும் சக மாணவர்களுடனும் பகிர்ந்துகொள்ள வேண்டும் என அறிவுறுத்தினார். மாணவர்களின் எதிர்கால முன்னேற்றத்திற்கு வேலைவாய்ப்பும் ஆராய்ச்சியும் முக்கிய முன்னுரிமைகள் என எடுத்துரைத்தார். பயிற்சி மற்றும் வேலைவாய்ப்பு மையத்தின் இயக்குநர் முனைவர் ம.மகேந்திரன் வாழ்த்துரை வழங்கினார்.

முகாமில் பங்கேற்ற மாணவர்கள் தங்களுக்குக் கிடைத்த பயிற்சி, அனுபவங்கள் மற்றும் கற்றல் வாய்ப்புகள் பயனுள்ளதாக இருந்ததாகத் தங்களது கருத்துகளைப் பகிர்ந்துகொண்டனர்.

 தொடர்ந்து, முதல்வர் மாணவர்களுக்குச் சான்றிதழ்களை வழங்கினார். முகாமின் ஏற்பாட்டாளர்களில் ஒருவரான முனைவர் அ. விமல் ஜெரால்டு நன்றியுரை வழங்கினார்.

What's Your Reaction?

Like Like 0
Dislike Dislike 0
Love Love 0
Funny Funny 0
Angry Angry 0
Sad Sad 0
Wow Wow 0